Bike बिना मोनैनि बिफाखौ फिसाजलाया बुथारदों


गु थाखोआव फरायनाय सासे फरायसाया गावनि  बिफाखौनो बुथारदों। अदालगुरि जिल्लानि रौता भालुकमारियाव बुधबारनि फुंबिलि समाव बे जाथाया  खास्रि-बिस्रि जाना थांदों। मिथिनो मोन्नाय बादिब्ला सासे आबाद मावनानै जाग्रा निबाराम नार्जारी (51) नि फिसाज्ला गु थाखोआव फरायफुबाय थानाय अर्मित नार्जारी (17) आ गोबाव समनिफ्रायनो बिफानाव Pulsar-220 दाबि खालामबोबाय थादोंमोन। नाथाय निखाउरि बिफाया फिसाज्लानि बे दाबिखौ सुफुंनानै होनो रां दोनथुमबोदोंमोन। दिनै फुंबिलिनि 7:30 रिंगायाव बिफा आरो फिसाज्लानि गेजेराव नांज्लायनाय जायो। फिसाज्ला अर्मित नार्जारीआ गंसे अस्थ्रजों बुनानै बिफाखौ जायगायावनो ‌जिउ फोजोबो। उनाव गामिनि राइजोफोरा अर्मित नार्जारीखौ रौता पुलिसनि आखायाव ग'थायनानै होयो।

Author:

Facebook Comment