आर्सारि गेलेगिरि गहेला बर'नो अन्सुंथाय होनो राजि जुबिन गार्ग आ

Sunday, 25 August 2019

/ by BodoNews


आर्सारि गेलेगिरि गहेला बर'नो अन्सुंथाय होनो राजि। फैगौ सेप्तेम्बर दाननि 6 अक्टआव ओंखारनो गोनां 2019 बोसोरनि मुंदांखा देंखो रोजोबगिरि जुबिन गार्गनि दिहुनथाय  3 थि सावथुन खानसन जंगा सावथुननि थाखाय फोसावदिंनाय हाबाफारिखौ आसामनि गुबुन गुबुन खना खनला ओनसोलफोराव फोसावदिंनायनि उनाव रबिबाराव BTC नि सहर कक्राझार आवबो रोजा रोजा सुबुंफोरनि गेजेराव फोसावदिं फैयो।

   कक्राझार सहरनि खोला फार्से थानाय भतगाव गेजेर फरायसालिनि लांगोनायाव खोला कक्राझार भतगाव दखरा आक्रासु नि बान्जायनायाव खानसन जंगा सावथुननि थाखाय फोसावदिंनाय हाबाफारियाव बाहागो लानानै मुंदांखा देंखो रोजोबगिरि जुबिन गार्गआ बुङोदि, आंनाव जेबो इसोर आरो धोरोम गैया, आंनाव  जेबो जाथि गैया, स्लगानजों रोजा रोजा राय्जो राजाफोरानि सिगांआव थासारिखौ गोमखां होयो आरो फैगौ 6 अक्टआव रिलिज जानो गोनां खानसन जंगा सावथुनखौ साफ्रोमबो आइ आफा राय्जो राजाफोरा अनसायगोन होन्नानै मिजिं थियो ।

    बे हाबाफारियावनो बाहागो लानानै खौरांगिरिनि सिगाङाव मुंदांखा मेथाय़ रोजाबगिरि जुबिन गार्गआ बुङोदि, आगोमा बर' फिसा आर्सारि गेलेगिरि गहेला बर'नो अन्सुंथाय होनो राजि जायो आरो बिनि थाखाय थाबैनो जगाजग खालामनो खावलायो।
Don't Miss
© Bodo News © all rights reserved